問：最近我喺內地嘅屋企出現咗班少女，經常拍門問要唔要清潔服務，起初我都冇理佢哋，但後嚟睇真啲，佢哋打扮得相當妖艷，上門時着晒低胸衫同熱褲。我心諗，以佢哋咁嘅裝扮嚟睇，一啲都唔似幫人執屋，唔通佢哋以執屋為名，其實上門提供曳曳服務為實，但我又未聽過會有咁嘅服務，故此想請問呢啲少女其實係咪囡囡，上門提供色情服務呢？
答：想知呢啲少女係咪另有目的嘅話，就要先睇吓閣下住喺邊度。因為據我所知，有啲屋苑確係有人上門提供清潔服務，而佢哋通常會喺啲新落成，又以單身人士為主嘅屋苑提供服務。對於呢啲清潔女工嚟講千祈咪諗多咗，事關人哋確實只係上門清潔而已，若果多口問價，好可能會惹嚟麻煩。至於問到內地有冇咁嘅玩法，以前曾經聽聞過，但係主要出沒喺酒店或賓館，未聽過會喺屋苑出現。反而我比較擔心你屋苑嘅管理問題，事關經常有閒雜人等出入，睇嚟你要同管理處反映吓好喎。
撰文：阿豪