提起戀物好多人第一時間諗起變態麻甩佬，查實女人都可以有戀物癖，好似脫星Roxy Carter就係最佳人辦，唔講唔知，阿妹更因為戀襪成狂而加入四仔界，奈何多年嚟都冇機會發揮，忍氣吞聲到今日至可以話事，究竟係咪值得呢？撰文：祖
「冇絲襪，冇今日！」呢句係Roxy Carter嘅金句，阿妹之所以咁愛絲襪，最大原因係凸顯到女性美，佢話：「我覺得絲襪係世界上最偉大嘅發明，可以令女人味提升，同時勾起男人無限性幻想，因此我深愛絲襪，屋企儲存量超過萬對，真係着一世都着唔晒！」正由於太過迷戀絲襪，喺十八歲嗰年，Roxy Carter就自薦做鹹書模特兒，當時阿妹已主動同攝影師要求着住絲襪拍寫真，阿妹話：「我仲好記得，當時我同攝影師話擺任何甫士都冇問題，但一定要影到我對絲襪！對方仲以為我精神有問題添！」
影鹹書寫真，之後例牌加入四仔界做脫星，Roxy Carter亦唔例外，同年被公司發掘而加入四仔界，阿妹話一切都係預計之內：「以我嘅條件，根本係天生四仔脫星格，假如四仔公司咁都唔搵我，肯定係佢哋嘅損失。同時我亦預計，公司會力捧我做一線脫星，因此我簽約一刻已表明要一線脫星嘅待遇！」阿妹真係獅子開大口，作為新人竟多多要求，難得公司又肯妥協，假如換轉今日入行，真係睬你有味囉！
雖然公司為咗阿妹乜都肯制，但講到床戲當然要聽導演支笛啦！Roxy Carter開初諗住將自己着絲襪最完美一面呈現畀觀眾打響頭炮，點知公司安排第一部處女作竟然係玩比堅尼，試問着三點式又點着絲襪，結果激到阿妹發晒爛渣，奈何拍四仔講求團隊合作，Roxy Carter條氣再唔順都冇得出聲，乖乖換衫埋位。
滿以為之後可以自己話事？咪使旨意，接住落嚟嘅係玩皮革性虐，甚至扮演健身教練，一直與絲襪無緣，到近日稍為有啲地位，Roxy Carter至可以決定角色形象，阿妹話總算冇白過！「呢幾年嚟真係忍得好辛苦，以後有我嘅演出，若然冇絲襪上陣我情願罷拍囉！」奈何阿妹你非十八廿二，過埋今年仲三張出頭，到時你肯着，我哋又未必肯睇呢！
出生日期：1981年4月5日
三 圍：36C、24、36
身 高：5呎7吋