到內地尋歡作樂，好多人鍾意到桑拿或夜總會，但如果時間緊迫又想搵女陪玩，有啲人就會選擇去賓館Call女，貪佢既方便又快捷。不過，玩得過癮之餘，大家亦唔可以掉以輕心，事關呢種玩法存有一定風險，除咗有機會遇上執法人員搜查之外，萬一遇上不法之徒，輕則只係財物損失，嚴重起嚟隨時連命仔都會受到威脅。
撰文：娟娟
呢期內地又再次「打大風」，唔少色途老馬都寧願留港消費，免得貪一時之快而被抓。當然，有啲人未見過鬼唔會怕黑，繼續照滾可也，好似老友肥仔賢就係其中一個例子。據知，呢位仁兄本身經常到廣州一帶搵食，適逢內地有關部門頻頻出動，於是佢就索性改變策略，轉玩賓館高鐘。
肥仔賢話：「依家內地頻頻嚴打，去夜店玩隨時遇上查牌，為免惹上麻煩，好多人都寧願付出多啲，去賓館Book間房再Call女返嚟玩。而揀女程序亦跟以往有啲分別。早年有啲地區嘅星級賓館嘅大堂入面，經常可以見到一啲眉精眼企嘅雞頭喺度打躉，話佢哋眉精眼企，係因為佢哋對眼能夠分辨出邊啲係玩家，邊啲係執法人士。當佢哋見到獵物嘅時候，就會主動上前細細聲搭訕，當玩家同佢哋傾好條件之後，只要講出房間號碼，囡囡就會火速拍門，而且仲可以揀啱先嗌佢入房，玩家絕對可以享有消費者權益。相比依家嘅玩法，由於好多賓館怕惹上麻煩，已經唔會再畀呢啲雞頭長駐大堂。取而代之，佢哋會預先派卡片或留電話畀玩家，並叫對方直接同囡囡聯絡，整個過程雞頭都唔會露面，而囡囡亦會識做，扮作玩家嘅朋友，以及打扮得正經一啲，減低被人察覺嘅機會。」
表面上嚟睇，呢個安排似乎可以令大家放心咁享受囡囡提供嘅服務，但係實際上有唔少危機存在。肥仔賢續話：「可以講喺賓館玩並唔係百分百安全，仍有機會遇上有關部門嘅突擊搜查。一般嚟講，當執法人員採取行動嗰陣，會預先將賓館嘅前後門都派人看守，以免有人想乘機離開，然後就會逐間房拍門巡查，又或者按照情報重點搜查某間房，若然你同囡囡開心快活時被抓，咁就肯定走唔甩，就算你過到呢關，都仍有機會被帶返去查問。」
講到咁危險，難道以後都唔好去賓館玩？肥仔賢擰擰頭咁話：「咁又唔係嘅，有啲老經驗嘅嫖友會預先做好準備，同囡囡夾定口供，至少要知道對方嘅真名、年齡、出生地、住喺邊度、做緊乜嘢職業等。不過，若然係有人報案在先，能夠指證囡囡本身係夜店小姐，咁就講乜都冇用喇！」
除咗有機會遇上有關部門嘅搜查之外，Call女陪玩仍存在另一個危機。曾聽過有朋友話，有日佢去到賓館Call女陪玩，咁啱畀佢遇到件正菜，以為可以食到好嘢，點知就喺沖涼嗰陣，對方竟靜靜走咗去開門，幾個彪形大漢隨即衝入房，將佢綁起之餘，更搶走晒所有值錢嘅嘢，到翌日夠鐘Check Out嘅時候先畀賓館員工揭發，財物盡失都事小，仲要畀人剝光豬五花大綁，最慘就係呢個朋友心中有鬼，所以唔敢報警，呢個陰影令佢至今都唔敢再北上。事實上，佢保得住條命仔已經還得神落！各位要謹記一點，就係北上尋歡必定存在風險，至於玩唔玩就真係見仁見智喇！