呢期對玩家嚟講嘅頭號大事，就係內地嚴打風暴幾時至打完，皆因唔少玩家同夜場喺風暴下，都變成驚弓之鳥！原來唔單止廣東省嘅夜遊界係咁，就連遠至江西南昌嘅夜總會都改變玩法，為咗掩人耳目，佢哋搖身一變成為交友俱樂部，表面上讓男士喺場度物色意中人，實際上卻係搵拍乸，然後返屋企曳曳。
對一啲玩家嚟講，可能對南昌呢個地方感到陌生，但係隨住內地經濟發展，呢個地方嘅夜總會數量甚多。不過家陣內地嚴打風暴吹得勁，就算佢哋並非頭號嚴打重地，為免惹人注目，一啲夜總會決定改變玩法，化身成交友俱樂部。據一啲熟悉當地夜場嘅玩家表示，部分夜總會最近改名做交友俱樂部，仲搞埋啲紅娘之夜、單身男女聊天夜、鑽石男士派對等。表面上嚟睇，呢啲乜夜物夜係用作男女物色異性嘅派對，但實際上所有到場嘅女玩家，查實係俱樂部嘅小姐化身，目的就係為咗避免惹起有關人士嘅注意，從而減低被查封嘅危險。
為咗避免惹人注目，每位入場嘅男士，喺入場時都要畀入場費，以作為「交友服務費」之用，而玩家入場後，都會得到半打免費啤酒，如果想飲洋酒嘅話，則可以同侍應講，然後另行加錢。入到場後，玩家就會發現場內坐滿衣着暴露嘅索女，而經理就會同玩家講，呢啲單身女士都係嚟物色男士，然後叫玩家慢慢揀。當揀啱又發覺啱嘴形嘅話，就可以開張枱同佢密斟。雖然形式上同一般嘅夜總會有分別，但實際上仍然係揀女同飲酒。有曾經去過呢啲交友俱樂部嘅玩家表示，嗰啲女士個個衣着性感，唔少更表現豪放，甫埋身就請玩家食波餅，主動程度比其他夜總會小姐有過之而無不及，認真過癮！
當傾得差唔多，玩家希望想發展進一步關係時，囡囡就會叫玩家畀「成功介紹費」予俱樂部嘅經理，答謝俱樂部成功介紹異性。當畀咗錢後，囡囡就會同玩家到附近嘅民居闢室尋歡。呢啲民居從表面嚟睇，係囡囡嘅屋企，但實際上卻係酒店租番嚟嘅房。可能有玩家擔心，縱然冇現金交易，但同囡囡返屋企曳曳，會唔會惹嚟不必要嘅麻煩。據講由於佢哋喺曳曳前同曳曳後，都冇同囡囡有現金交易，加上只係朋友去屋企玩一夜情，故此並唔算係去滾。雖然呢種玩法安全度甚高，但係收費卻一啲都唔平，單係入場費就要三百人仔，另外介紹費則要七百，計落要成一千人仔，抵唔抵玩就要拎部計數機嚟計計嘞！
為避嚴打，內地夜場都會出盡法寶。有啲夜場喺帶客入房前，會事先同佢哋介紹所謂「走鬼通道」同「走鬼燈」。當燈號亮起時，玩家就要即刻衝向走鬼通道，盡快離開現場。由於呢啲通道迂迴曲折，唔易畀人發覺，故此容易逃離現場。聞說有啲夜場嘅走鬼通道多達十條，都咪話唔誇張！
撰文：阿豪