近日內地多個省份，爆出多單豪華淫竇被冚消息，部分更愈揭愈臭，除有地方官員撐腰外，啲三陪女仲陪客索K添！呢啲新聞對於純粹享受一洩嘅玩家嚟講，當然唔好受，因此不少人客呢期玩自我審查，愈豪愈拒絕，反而去啲老牌草根場仲穩陣喎！
「要掃就算一樓一都會掃！不過有啲冇女冇裝修嘅爛場，反而可避過一劫！」自問對內地夜場瞭如指掌嘅玩家細明說。
細明話由於弟婦以往喺常平做夜總會媽咪，對夜場運作非常熟悉，因此每次出發前，都會先致電問清楚天氣報告！「話晒係自己人，有消息梗係要通知啦！但先此聲明，消息只限同區同日，不設天氣預報，皆因佢啲料都係由執法部門傳出！而另一方面，我從來唔上佢個場玩，一來怕尷尬，其次係佢屬老牌場，真係三無，冇女、冇配套兼冇服務！連弟婦都話係靠熟客撐住，否則晨早摺埋！」有可靠「天文台」背後提點，難怪細明玩足多年都未出過事！
之不過細明話近半年玩法有所改變，事緣係一次出閘脫腳，差啲要被行政拘留。「記得年頭一個周末晚上，我哋一行三人上夜總會玩，飲飽食醉正想拉女消夜，忽然經理衝入房話有人掃場，叫我哋即刻從後門走，嚇到我差啲失禁，倒瀉籮蟹即刻行樓梯走人，最後我哋三個人去附近租酒店過夜，好驚險！」
事後細明發覺，就算堅料都未必可靠，同一晚上，反而弟婦所屬夜場居然冇人掃蕩。之後細明每次都選擇去呢類夜場玩。「愈出名愈死得快，事關內地掃黃掃賭如做騷，要畀傳媒同居民睇到佢哋有做嘢，所謂紅牌大場必定掃先！但事後有冇罪大家有眼見，消息一淡化咪一樣夜夜笙歌！」為咗玩得安全，細明發現不論常平、長安或大朗等地，一啲爛場甚少被掃，而且仲有好嘢發現。「你以為呢啲場乜都冇，查實好多筍盤，原來唔少畀港客包嘅二奶、白領OL，夜晚都喺度搵食！」
細明自言有驚世發現。「當晚我上到呢個場了解，嗰手女真係過半數都嗒得落，問過弟婦，佢話呢啲女怕揚，所以喺度賺吓外快囉！」據佢弟婦解釋，當地囡囡深知港客鍾情豪華大場或刺激新場，甚少會到爛場耍樂，為免被熟人撞破，因而選擇去呢啲場做：「嚟得呢類場，都係中坑阿伯，上嚟飲酒抽水，好少出街！」正因如此，細明更多機會揀到心頭好，而同時毋須同其他師兄鬥早入場！
有玩家心存僥倖，認為係地方政府掃黃做嘢畀阿爺睇，應該不會有大型行動，但其實今次是由高層發動，掃黃掃毒將會持續到亞運後。尤其是向來香港人尋歡性地嘅東莞一帶娛樂場所，更會定期清洗。亦有廣州報章報道，就連當地郊區的夜遊事業都要停頓，不論髮廊、桑拿及夜總會，幾乎都自動歇業。奉勸大家勿抱僥倖心態北上夜遊。
撰文：祖