男人愈壞，女人愈愛。風流不羈嘅男人確實零舍有魅力，令不少女士又愛又恨，但換轉壞女人又會點呢？答案係一樣咁有魅力，就好似美國脫星Ashley Candy咁，阿妹自認貪錢兼夾貪威識食，但一樣大把男人舂埋佢身邊，仲搞到佢哋打生打死，但當事人竟然話佢哋都係自己攞嚟嘅！
貪錢係人嘅本性，貪得有法旁人當然冇權干涉，但好似脫星Ashley Candy咁，逢仔都勾引，又似乎唔多道德，難為阿妹仲自稱係「糖衣情人」，真係唔知醜！「大家話我搵錢唔道德我絕不介意，但事實上，社會不少人都係咁樣，假如我算冇道德，咁脫星都係冇道德一族，皆因大家都係剝衫上床靠男人搵食！」Ashley Candy認為自己貪錢冇問題，更反指脫星姊妹虛偽，當事人表示，脫星表裏不一，面對觀眾扮高貴，背後一樣大搞男女關係，有時為咗上位，甚至勾引導演至甚監製發生關係，仲會中傷其他姊妹令自己上位添！「自問我都係呢種人，但從來未試過咁做，反而我唔介意讓任何人知道我點上位，只要畀到利益我就有得傾，正因為我表明立場，外界至會認為我係壞人，其實最正直可能得我一個至真！」
Ashley Candy愈講愈離譜，佢認為上位應該不擇手段，更唔介意畀人知道真相，但出奇地，影迷又非常支持佢。「理由係我夠坦白，不論做人或做愛，我都徹底公開，絕無半點保留，身材弗爆就全行都知、床上技術過人更毋須多講，我拍床戲之所以全情投入，全因我熱衷性愛，享受高潮，亦因如此，我經常同男優搞埋一齊，同一時間可以有六至七個性伴，但純粹為性，談感情就冇可能！」終於明白，Ashley Candy之所以被封為「糖衣情人」，原來純粹用糖衣包裝，但搞完即閃，最後邊個黐埋去都會一身蟻！
出生日期：1988年2月26日
三圍：32D、25、35
身高：5呎9吋
撰文：祖