深圳啲骨場真係好兩極化，同樣遇上掃黃潮，有人極度開放，玩埋短聚都得，但有啲骨場就收晒火，明明做開「機場」，但竟然變咗做正骨場，最衰就係照收以前機場價，好多舊客唔知入到去，埋單嗰陣時一睇，個個要揼心口！
喺上面揼正骨，如果喺休閒中心或者中型桑拿，兩個鐘大約都只需六七十蚊，畀一百蚊，好多場已經可以揼成三個鐘。
但如果係所謂嘅機場，玩兩粒鐘，實際時間只得一個小時多啲，公價大約收百五至兩百幾蚊人仔，價錢當然係貴過揼正骨好多。
但家陣有啲機場，因為怕掃黃，所以轉番做正骨，但就照收舊價百五至二百幾蚊人仔，當客人唔知入到去，技師話風聲好緊，所以冇特別服務提供，客人當然唔會詐型，但當埋單時，竟發現仲係要畀「機場」價，好多人都有啲被屈嘅感覺。
撰文：大軍