原來職業係「歌星仔」嘅絕無資格談論時事，應該返去唱歌就夠嘞！呢件事係由本地激進名媛話我哋知嘅。而喺美國脫星界，一樣有位「脫星仔」Vivian West，晨早就不問世事，衰啲講係理得你死，奇怪係外界又受喎！
撰文：祖
做藝人或脫星無非都係想出人頭地，之不過美國脫星Vivian West就自封為「脫星仔」，當事人話咁樣可以惹少好多麻煩喎！據阿妹解釋，原來脫星工會定時開會檢討現時色情演員待遇，為會員爭取應有福利，不過呢啲會閒閒哋一開幾日，而且多數會邀請有頭有面嘅男女脫星出面為民請命，增加說服力，因此Vivian West直認呢啲活動係阻住搵食，情願拍多兩部鹹片仲實際喎！「我承認呢種諗法好自私，不過我冇諗過一世做脫星，現在只屬過渡期，搵夠即閃，脫星多少福利關我乜事？脫星們與其花精神做多餘事，不如盡快搵夠離開四仔界仲實際！」Vivian West咁自私自利，難怪自貶脫星仔都制啦！
話雖如此，由Vivian West自封脫星仔開始，當事人並無因此而降格，反而得到更多影迷留意阿妹嘅一言一行。據網民解釋，從來只聽過脫星誇張失實、口出狂言，未曾聽過有人會自嘲，外界甚至認為Vivian West精甩尾，「脫星仔」一詞係以退為進，希望獲得更多人留意至真！而Vivian West就一於少理，繼續拍好自己嘅四仔，對於外界談及自己言行，統統不回應，貫徹「脫星仔」形象：「所謂言多必失，既然我一心係想搵錢，就唔好咁多聲氣，盡力做好自己本分就夠！不過我都好多謝外界會留意我，證明我喺四仔界嘅存在價值，睇嚟我不但應該少說話多做事，甚至床上呻吟都可以慳番，話唔定仲多人鍾意喎！」