日本嘅角色扮演風俗店，真係乜都有得玩？有口痕友問：「鬼冇得玩嘞啩？」喺華人社會，鬼係禁忌，當然冇人敢玩，但喺日本有間開喺吉祥寺附近嘅風俗店，就竟然有靚靚女鬼等住陪客人玩，真係少啲膽識同色膽嘅朋友，都唔敢嚟幫襯呀！
呢間風俗店叫做「鬼屋敷」，即係鬼屋咁解。話明係鬼屋，裏面嘅囡囡，當然就係女鬼打扮。點解無端端有間鬼屋風俗店呢？據長澤店長講，佢哋呢間風俗店嘅前身係間日式餐廳，裝修全部都好和風，老闆接手後冇錢裝修，於是就照用日式風格，加上店內破破爛爛，老闆忽發奇想，就以鬼屋嚟做招徠，起初都擔心冇人敢嚟幫襯，但自推出後，反應都不知幾咁好！
點解會有咁好反應呢？長澤店長話好多男人都色膽包天，所以只要啲囡囡夠靚，佢哋都會唔怕死咁嚟幫襯，而且自風俗店加入咗鬼屋嘅驚嚇元素，客人嚟幫襯，畀一個價錢，就可以得到兩份嘅滿足，絕對超值，所以吸引到唔少客人走嚟幫襯。
至於有幾好玩，客人一入去就好似入鬼屋咁樣，要走過長走廊，之間有幾個驚嚇嘅機關，膽小嘅真係嚇到大叫阿媽，過咗走廊就係大廳，有打扮鬼樣嘅侍應招呼客人揀女，揀好之後就入房，囡囡會喺房間等客人，之後會喺出其不意咁出現，真係幾驚嚇架！
客人要聽囡囡講一個有關自己嘅鬼古，之後突然掉啲假手假眼出嚟嚇人，客人唔驚，囡囡就會答允聽晒客人嘅話。當客人如箭在弦，囡囡就會帶客人洗白白，再出番嚟享受指定動作。由於喺店裏面，所以只可以歎到「起機」服務，但客人照樣收貨，冇人詐型。至於收費都唔平，四十五分鐘服務要成一萬日圓，約為九百幾蚊港紙，抵唔抵玩，真係見仁見智！
撰文：小德