問：以前去開嘅桑拿同浴室，都係由經理帶住班囡囡入房畀玩家選美。不過早排去過深圳一間桑拿，佢哋就採用電腦屏幕選美。本來覺得呢種方法好新鮮，但後尾發覺真係好多餘！話說當晚我去到後，就透過電腦揀技師。睇相嘅時候，個樣同波哋都係索到爆燈。點知Call咗佢入房一睇，嘩！個樣得六成似張相！同經理投訴，經理話電腦相唔關佢事，但如果唔啱可以換過個。結果我喺房等咗半粒鐘，經理至帶得三個技師入嚟，而我就硬食咗其中一個。唔知呢啲可唔可以叫做貨不對辦呢？
答：其實一般可以透過電腦選美嘅桑拿，佢哋唔多唔少都會搵人執一執技師嘅電腦相，但執嘅幅度唔會太大。話晒玩家已經喺個場度，囡囡係咪似相中人，一陣就已經睇到，萬一發覺真人同照片相差甚遠嘅話，就會即時惹嚟投訴，唔單止影響生意，仲會搞壞埋個招牌。睇番你個個案，應該係佢哋唔小心將張相大執，至會出現咁嘅情況。不過老實講，雖然佢畀你再揀過，但係已經激到一肚氣，乜嘢心情都冇晒，咁就只能夠嘆句唔好彩喇！
撰文：阿豪