深圳嘅「機場」一街都係，而九成駐場技師都以中女為主，但有經理同我大軍講：「邊有咁多中女吖，查實唔少係人妻嚟，放咗工仲係良家婦女嗰隻，買餸煮飯兼湊仔呀！」講都冇人信，但當日我大軍同駐場幾位人妻技師食飯時，幾位「師奶」傾談話題並非人客怪行或買名牌，相反所談及嘅卻係邊度買家庭用品價錢平、學校教師質素，以及今晚煮乜餸等等。在座幾位高談闊論，連經理都忍不住話：「夠鐘開工喇，咁鍾意同啲客講吖？」
我大軍起初都懷疑佢哋係背住老公搵食，但事實原來係經老公批准，仲非常支持。其中一位技師話：「成街都係骨場，就算我話揸的士佢都會懷疑我做機師啦！依家有錢搵幫補屋企有乜唔好，況且我哋賣藝不賣身，放咗工買餸洗衫煮飯，返到屋企嗰件嘢仲敢出聲，我一腳踢佢走呀！」姊妹亦搭嘴：「都成四張嘢啦！仔女都兩個，唔通依家先嚟玩紅杏出牆咩，再者呢行都係做三四年，佢條氣唔順嘅，咪做鴨養全家囉！」幾時都話女人最堅強！
撰文：大軍