「打風」唔緊要，最重要係做好防風措施啫！最近內地經常傳掃黃，即使夜場敢開，奈何人客都未必敢幫襯，有骨場甚至索性暫時休業，令一眾技師冇飯開，但有囡囡就喺網上化身「情感護士」，表面上不涉及色情交易，但只要人客使得起錢，加些少暗示就可以借囡囡軀體發洩。
內地執法部門高調宣布掃黃迎亞運，連網上色情都唔放過，鳳樓、援交、網交統統要收檔。然而道高一尺，魔即使未高一丈都仍然有位走。一位現職骨場技師爆料：「佢哋都係收到柯打先出動，平日邊有咁神心吖，再者，大力掃黃做騷成分居多，話畀買家同賣家聽，『阿公呢期要做嘢，你哋大鑼大鼓挑戰我嘅話，我就拉人封艇！』因此衰嘅十居其九都係嗰啲出位大場！」所以骨場技師都聽從公司安排，減少返工時間，奈何手停口停，惟有喺網上打游擊。阿妹解釋：「以往『打風』日子，姊妹都會喺網上聊天室『釣魚』，即同一時間與十數位網友傾偈，邊位較大機會『出街』就重點同對方傾，若然有三數位都有機會，嗰日真係排住隊去架！」
可惜，就連網上樂土近年都被執法部門踩埋，誓要趕絕佢哋。話雖如此，冇工開嘅囡囡，最多嘅正係時間，所以不怕同對方「角力」。阿妹話：「網上對話內容冇變，但囡囡會含蓄啲，透過對話盡量抽出邊個係放蛇。」另一方面，骨場技師仲話潮流興化身「情感陪護」同網友傾交易，同樣可避過放蛇。「過往買賣雙方活躍於成人網站，依家我哋以『情感陪護』，即使一眾愛情交友網站都入得，對話內容亦由性愛轉為愛情，例如話自己剛分手，事緣係男友去滾或玩3P被發現，依家好傷心等人安慰，從而打開話題！自己係苦主亦可以扮專家同男網友傾偈！」阿妹話情感陪護係「包裝」，將明買明賣嘅字眼變得曖昧，就算雙方見面後，囡囡亦不會直接講肉金價錢，而係陪護費用，例如去咖啡室時主動問人客攞錢買飲品，甚至向人客提出可聯絡中介人租酒店房有優惠，乘機將肉金再加上去以避過執法，由於人客都了解依家係非常時期，所以一般都會接受。
不少網上賣淫妹以「情感陪護」作主題，表面上執法部門未能成功拉人，但原來一樣會追蹤可疑目標。好似今年四月，湖北宜昌及廣州都發生公安於酒店房門外逮捕賣淫女及嫖客，據消息指事發時囡囡正與人客進行交易，公安破門而入。有傳掃蕩期間，公安會化身旅客，長駐各大酒店守候，待囡囡出現。而正職為髮廊妹嘅網上援交，早亦成為打擊目標，所以各位咪以為網上約會好安全，隨時會同囡囡一鑊熟！
撰文：祖