問：小弟最近喺廣州識咗個女仔，好快就發展成情侶關係，最初我上去搵佢嗰陣，都會到車站附近嘅賓館開房，之後因為貪便宜，女友叫我去幫襯出租屋，之不過我先前去睇過，發現呢啲屋存在好多問題，除咗環境衞生差之外，安全度亦令我非常擔心，究竟內地所有出租屋都係咪咁差㗎？
答：內地出租屋向來係情侶爆房嘅熱門之選，尤其一班血氣方剛嘅年輕男女更係常客。部分廉價出租屋能夠提供日租或時租服務，擺明係想吸引炮友幫襯。雖然唔係所有出租屋都好似你所講咁差，之不過租住呢類房屋時，必須留意屋內嘅設備是否安全，好似浴室嘅熱水爐、電器用具等等。同時你亦要留意窗戶安全，睇吓啲窗框夠唔夠穩陣，避免不法之徒有機可乘，以及睇吓有冇走火通道。坦白講，喺內地無端端有人爬入屋打劫，真係唔出奇㗎！
此外，環境衞生亦都要多加留意，事關部分出租屋嘅環境異常惡劣，曾見過一啲地方走廊滿地垃圾，蛇蟲鼠蟻樣樣皆有，甚至有人隨地大小二便，咪以為講得誇張，內地發生嘅事情往往令人意想不到。所以，租住出租屋之前，應該細心睇清楚，避免因貪便宜而招致金錢或人命損失。
撰文：娟娟