最近莎拉晚晚都好夜返屋企，同居男友米路十分擔心，因為莎拉人靚身材好，身邊太多狂蜂浪蝶，好怕會綠帽照頭笠。今日米路打電話畀莎拉，問佢幾點收工，莎拉話放工後有事做，今晚又係會好夜至返。米路愈諗愈可疑，於是……
莎拉七點多放工，一走出大廈，身後就有人跟蹤着莎拉，呢個人正係米路，莎拉轉入地鐵站，米路尾隨。莎拉坐咗六七個站之後落車，然後入咗一間好破舊嘅旅館，米路心諗：「要偷情都搵間高級啲嘅酒店吖！咁嘅旅館仔點住得人㗎！」
莎拉入咗電梯，最後顯示停咗喺三樓，於是米路死跟，但上到三樓莎拉已經入咗房，於是米路惟有逐間房偷聽，聽到其中一間房傳出一把女聲大叫唔好，之後就飢渴地呀呀呀咁叫咗起嚟，另一把男聲就話：「我今晚要你知道乜嘢係真正嘅男人！」
之後聽到女聲大讚：「嘩！真係好大！比我老公勁十倍呀！」米路一聽面都青埋，跟住就聽見兩人嘅淫聲浪語，一啲都唔收斂，嗌到成條巷都聽到，米路生怕有人出嚟，真係唔知匿去邊度好。米路愈聽愈火，於是出力拍門。
好快就有個大肚腩阿叔出嚟，米路老羞成怒，一拳打落佢面上，之後米路反遭阿叔毒打，最後更被掟出旅館，米路正想趷番起身，喺呢個時候莎拉同房入面嗰個女人出現，介紹話係佢阿姨，近日由鄉下出嚟，多得莎拉照顧。米路明白真相，更話畀人打一身都值得！
撰文：小德