內地不時會大舉掃黃，令夜場囡囡擔驚受怕，加上於夜場開工被人食水甚深，有經驗嘅囡囡趨向走本地玩法，即一樓一鳳式經營，不過現時不但個體戶爭崩頭，連集團亦加入爭飯食，將高質囡囡推向一樓化，實行趕絕低質鳳姐。
內地執法部門對掃黃不遺餘力，變相令玩家無啖好食。奈何夜場囡囡依然要搵食，點算好？咪上樓去囉！呢兩三年來，已有不少有經驗囡囡靠熟客力撐，自己上樓開檔，大家都搵到食，部分更做得有聲有色，於網站更被廣泛討論，令不少後起之秀蠢蠢欲動加入。而夜場集團就覷準呢個搵食途徑，晨早插旗樓上生意。
據玩家表示，多年前已透過網站搵內地一樓一玩，初時靠師兄口碑，及後經驗多咗，對行情有一定認識後，更主動開發新大陸，點知又畀集團搞亂檔。玩家阿權（化名）話：「依家肯主動上樓嘅內地鳳，通常都會識上網幫自己宣傳，例如玩社交網或於網上討論區留低個人聯絡方法，方便搵食，而且囡囡收費不高，啱晒我呢啲單嫖獨賭嘅玩家。點知呢期我發現多咗囡囡喺網上宣傳，手法一模一樣，但質素奇高。」
阿權幫襯過後至知對方係集團鳳：「我入屋後就發覺與別不同，裝修乾淨企理，毛巾及清潔用品放置整齊，明顯同個體戶不同，而過程中囡囡亦好顧及人客感受，希望可以再次光顧，但最主要都係囡囡質素勁高，仲要化晒妝，好有專業道德！」及後阿權問對方至了解係集團鳳，每次收費三百五十元，其中有二百元落袋。集團更會保證收入，每日至少有三個客上門，但條件係不准私自放假休息，及對人客要有禮貌，假如有人客投訴，就要扣錢。
阿權更表示，現時係集團鳳整頓期，事關集團要以合理肉金及高質服務，趕絕一眾個體戶：「或者係公安少掃場，因此佢哋可以玩得好專業，當餓死一眾個體戶後，佢哋就可以控制肉金價格，根本同商家佬無異！」
撰文：祖