黐飲黐食呢種行為當然令人討厭，同樣靠黐人氣上位都唔好得去邊，偏偏脫星Jasmine Rouge就深明自己唔夠人爭，於是乎借姊妹製造話題，多咗人留意，自然增加搵食機會，但影迷就對呢位脫星又愛又恨！
撰文：祖
有料當然唔使靠黐咁Cheap啦！慘在當事人的確係好一般，喺諗無可諗情況下，惟有稱兄道弟跟姊妹搵食，聽聞阿妹免費演出都在所不計o架！入行四年多嘅Jasmine Rouge，嚟自羅馬尼亞，大家聽個名除咗知佢哋國家足球隊起朵外，根本一無所知，況且今屆連分組賽都無緣進入，連唯一認識呢個國家嘅機會都冇埋！
Jasmine Rouge表示，由細到大都希望做國際巨星，奈何喺本土連奀星都冇得撈，谷鬼氣就過美國當脫星搵食！阿妹自動剝衫，四仔片商梗係無任歡迎，加上阿妹以羅馬尼亞外勞身份參加，大有話題性發揮。
可惜，Jasmine Rouge真係一啲觀眾緣都冇，任公司谷到盡都冇人有印象，當時阿妹有考慮過退出幕前，返去跳脫衣舞，但多得一班姊妹撐住，所以堅持要成名至走。同時，Jasmine Rouge參考過不少成功脫星前輩之路，據阿妹表示，大部分都係靠黐上位：「不少所謂嘅一姐，事實都唔係樣貌出眾、身材標青，大家都係你黐我、我黐你喺圈內浸淫，加上傳媒嘅煽風點火，觀眾自然會多留意，因此我都唔介意靠黐搵食。」其實阿妹咁講就唔啱，事關大家都咁上下分量就係互惠互利，但阿妹做法係黐住啲星級脫星博上位，層次差好遠囉！「我承認目的係上位，所以不惜一切，但我從來無傷害過人，一眾一姐都知道我嘅目的，況且佢哋都需要我呢啲綠葉去襯托，至顯得佢高貴，咁咪又係互惠互利o者！」上咗位講乜都啱，好似阿妹咁，家陣啲影迷都讚佢又索又好波，簡直係最佳外勞咁話喎！
出生日期：1982年5月13日
三圍：34C-25-34
身高：5呎4吋