有朋友北上風流快活時，不慎中招，問我大軍究竟喺香港睇醫生好，定係返上去睇？我就話畀佢知，你想有私隱定冇私隱，佢話梗係有私隱啦！於是我再問佢，你出得起幾千蚊定係幾百蚊呢？佢話最好幾百蚊之內搞掂啦，我話有答案嘞！
朋友追問我究竟點樣？我話喺香港睇私家醫生，要幾千蚊至落到樓，如果冇錢就要睇門診，喺社會衞生科裏面，九成都係睇性病嘅朋友，大家互望眼超超，而且無論登記、睇病、攞藥都會大大聲叫名。
想有啲私隱，而且花費唔多，去內地睇都可以，如果你掛號時係掛「專家門診」，更有貴賓式服務，期間所有化驗都有護士全程照顧，唔似睇本地醫生，你要走幾幢大廈去做化驗。以上選擇，都係要你自己度掂佢，好難畀到答案你。講到尾出嚟玩都係小心啲好，做足安全措施，咪冇咁易中招囉！
撰文：大軍