日本嘅AV女優識得搞握手會、簽名會等聯誼活動嚟冧粉絲，而美國四仔女星則靠情趣博覽會、派對等活動，嚟拉近同粉絲間嘅關係。不過有四仔女星更醒，識得透過其他辦法，嚟得到粉絲嘅支持，從而保持人氣度！
唔少藝人都會玩網誌，但係好似Jayden Cole咁，經常喺網誌上，同粉絲傾偈之餘，仲會喺網誌度大爆四仔界秘聞。可能有人會覺得，咁樣爆料好易會得罪其他人，但Jayden卻表示一啲都唔驚，反而覺得咁樣可以同粉絲拉近關係。Jayden解釋：「粉絲覺得四仔女星好似好遙遠，好難可以同佢哋交流，就算交流都唔知有乜話題。網誌正好可以提供一個咁嘅平台，而我所爆嘅料，其實既唔會影響其他人，仲可以增加我哋之間嘅話題添！」
如果覺得玩影相、玩網誌都唔夠激嘅話，咁就要同Brooke Banner學吓嘢喇！事關呢位紋身靚女，最近就搞咗個紋身活動。原來佢想睇吓班粉絲，想佢喺身上紋上乜嘢圖案。呢種拋個身出嚟，同粉絲玩嘅做法，確係相當少見，真係少啲膽量都唔得。Brooke笑道：「因為我嘅粉絲好多都係紋身支持者，加上我自己又鍾意紋身，於是諗出用呢種既可作為宣傳，又可以冧粉絲嘅活動。」話時話，唔知大家想Brooke喺身上紋啲乜呢？
藝人玩自拍然後同粉絲分享，呢樣嘢一啲都唔出奇，但係玩自拍兼出書，仲要送埋畀粉絲嘅話，卻唔係每個藝人都做得到，而激索艷星Jannelle Priego就係其中一個。呢位今年廿六歲嘅四仔女星，唔單止樣靚身材正，影相水準仲相當高！原來Jannelle喺投身四仔界前，本身喺藝術學院度讀攝影，難怪攝影技巧有一定功力。Jannelle仲話，如果有機會嘅話，佢仲會搞番個攝影活動，同粉絲龍友交流心得。唔知到時佢會唔會剝光豬畀粉絲影個夠呢？
撰文：阿豪