美國經濟不景氣，連帶黃色事業亦走下坡，囡囡們為咗生存，都要搞搞新意思，好似喺日本興咗好耐嘅角色扮演遊戲，最近就喺美國流行起嚟，喺芸芸咁多角色當中，美國男人竟然最喜歡女醫生，提供性服務嘅「女醫生事務所」就應運而生。
呢啲女醫生事務所，其實等同我哋啲一樓一，通常喺一啲舊區嘅大廈裏面開檔。客人要搵佢哋一啲都唔難，除咗通街貼咗佢哋嘅照片之外，喺網上亦都會輕易搵到，內容會介紹囡囡嘅資料，至於照片則九成與真人不符，但大家可以放心，外國啲神女，差極都有個譜，而且客人睇啱至幫襯，唔會落閘放狗咁屈啲客人，由於係扮醫生，所以廣告上都會話妙手回春，拯救雄風等嘅醫療術語，客人睇啱，就可照提供地址，摸上門幫襯。
客人摸到上去，就會見到兩至六個囡囡不等，視乎環境大小而定，呢個時候，有乜要求就要提出，囡囡肯接受嘅話，就一定會辦妥，如果唔肯嘅，你畀幾多錢佢哋都唔會做。最後揀啱心水靚女，又傾好服務同價錢，就可以入房玩醫生同病人嘅遊戲，首先當然係檢查身體啦！
檢查後囡囡就會話客人有病，當然係隨口噏，而客人就會求醫生救佢，最後就會勉為其難咁用手又用口，搞到客人血脈沸騰，咁之後就梗係成個人精神爽利啦！大家最關心嘅係要使幾多錢，最平嘅都要兩百美元，值唔值，真係見仁見智嘞！
撰文：小德