最近內地流行玩「街攝」或者叫「街拍」，即係攝影師喺街上面，捕捉走過美女最美嘅一面，有時會配以主題，然後放上網度公諸於世。大家咪以為就咁隨街影，會冇乜人睇，原來佢哋嘅作品不知幾咁受歡迎，瀏覽人次已經超過十萬。
佢哋受歡迎原因，一來照片夠自然，二來夠寫實，靚女喺大街裏面成日都睇到，但就係冇時間去深入認識，而網友就可以透過佢哋嘅作品，深入了解時下美少女嘅另一面。除咗宅男、好色男外，唔少時裝設計師都會登入去睇吓，從中吸收設計靈感。
而今日要介紹嘅就係內地一個十分火紅嘅街拍作品Blog，負責人叫做原生泰，個人資料唔多，佢寫咗兩句話嚟介紹自己，就係以平和心態品味生活，以獨特視覺觀察社會，裏面有近千張街拍作品，不乏城中美少女，深具吸引力，值得去捧吓場。
撰文：小德