一百幾十蚊嘅飛機骨，嫖友當然唔可以亂咁摸啦！但依然有玩家唔怕死，過程中起勢亂抽水，結果麻煩自招。一位骨場經理向我大軍爆料，佢話不少人客對囡囡亂咁摸手摸腳，搞到啲骨女情緒大亂，要夜場花唇舌安撫，最後惟有出動特別小組做嘢！「開得夜場都唔係一般生意人，人客畀一百幾十，搞到場中嘅女喊晒口嗌走，最慘仲影響埋其他囡囡士氣，咁即係搞亂檔啦，無辦法正常途徑追究，咁我哋咪揼佢囉！」
經理話並非得把口靠嚇，骨場內經常有班保安坐喺門口，到人客埋單後，只要一收到經理柯打，就會尾隨人客，到時到候就出手。難怪不時都聽到，三數港男行行吓街突然被人伏擊，通常受害人都表示與人無仇無怨，話唔定係剛啱揼完邪骨被人點相所致。經理仲話，深圳大中小骨場都有保安部門，專門對付一啲破壞者，但我大軍就覺得，骨場每日出入幾百人，點錯相一啲都唔出奇喎！
撰文：大軍