最近有日本成人網站，就AV女優喺拍攝現場食飯盒嘅問題，做咗一篇極深入嘅專題報道，當中披露咗唔少鮮為人知嘅飯盒問題，有啲真係得啖笑，但亦有部分真係估佢唔到，今日就同大家深入探討一下。
大家最想知嘅就係女優喺現場食飯，使唔使自己畀錢？答案原來係唔使，所有男優女優，只要係當日演出嘅，都會有飯盒供應。當然，女優嘅飯盒一定會比男優嘅豐富，而且按女優嘅知名度，仲可以選擇唔同級數嘅飯盒添！一般新人，當然食普通飯盒，但當你成為阿姐級，你嘅飯盒就會有專人替你去買，價錢愈貴或者買嘅地方愈麻煩嘅，就代表你嘅地位愈高人一等。
另外，有人想知道，女優一般食啲乜嘢飯盒？其實都同普通人一樣，一個飯盒裏面有肉有菜嗰類。報道就話有近六成嘅女優，都一定要食大塊肉嘅飯盒，因為咁樣佢哋至有力氣以一敵百，向難度挑戰喎！
至於選擇蔬菜水果類飯盒嘅女優，好明顯就係怕肥一族。報道話上咗年紀或者身形好瘦嘅囡囡，最喜歡食蔬果類嘅飯盒。另外選擇食拉麵嘅女優都唔少，因為夠方便快趣，而選擇食西式快餐嘅女優，全部都係年輕嘅囡囡。
最巴閉就係食壽司外賣，有啲女優要去指定嘅壽司店買，工作人員要提前幾個鐘外出。至於有冇人自己帶飯嚟食呢？原來係冇嘅！但一啲阿姐級女優，就會預備啲小食嚟加餸，等啲工作人員開心吓！咁有冇阿姐萬歲請食飯呢？原來現場好少人會咁做，就算天后級阿姐都唔會萬歲，因為請食飯，原來只可以留畀老闆做喎！
撰文：小德