為咗尋求刺激，好多男女都會經常轉移陣地，去到不同地方性戰。不過，唔係個個地方都好似屋企咁舒適兼冇人騷擾。點算呢？美國就有一個網站畀網友公開性戰場地資料，等大家參考參考！
網絡無邊無際，言論又夠自由，方便好多網友上不同討論區發表偉論，又或者公開資料。如果大家鍾意去旅行就最方便喇！因為，只要一上網就可以了解到目的地嘅風土人情、氣候、消費、交通等等資料，要為旅程準備就方便好多。當然，如果同拖友拍住拖去旅行，就梗係要搵吓有咩地方啱大家去玩啦！另外，為咗增加感情同埋刺激，搵個地方性戰亦有需要，但係去到外國人地生疏，點樣先可以玩得安全又稱心呢？
美國有人特設一個網站，專門公開各地嘅性戰場地資料。大家可能會問：係咪真係有男女咁有心，會公開屬於自己嘅性地呀？又估唔到，的確有好多男女視網友為志同道合嘅朋友，每次做完愛之後，就自動上報資料。到目前為止，網站已經集合超過十萬網友，提供嘅性地更加遍布世界各地，連我哋香港亦有份！
睇到世界各地都有網友試過鬼混，相信唔少網友都諗住親身試吓，體驗當中嘅刺激感！不過，要留意嘅係，每個性地都有網友評分，如果評分較低，就表示隱密度唔夠高，好多時會畀人騷擾，影響性趣。評分高則表示可以放心盡情盡興喇！另外，網站顯示嘅性地資料，亦有一個好有趣嘅項目，就係網友自己推介嘅最適合體位。呢個係到達目的性地之前非常值得參考嘅項目，因為好多位置狹窄，可能只係僅僅容納到兩個人，仲要係企位，如果想玩後進式或者女上男下嘅朋友，就要三思而後行喇！當然，四圍野戰絕對係違法，大家上呢個網站瀏覽嘅時候，最好都係抱住得啖笑嘅心態，唔好有樣學樣呀！
撰文：賢