係歐美四仔技窮，抑或片商想劇情更互動？近年開始有製片商搞咗個四仔旅行團，攝製隊同志願嫖友踩落荷蘭紅燈區拍四仔。沿途除逐一介紹紅燈區嘅囡囡外，更將整個交易過程拍下，你有冇興趣報名參加？
呢個被歐美四仔網民稱為「國家地理雜誌」成人版嘅色情網站，以深入體驗世界各地紅燈區為名，拍攝四仔作品為實，邀請全球不同種族國籍男人（以青頭仔佔絕大多數），臨床體驗紅燈區內嘅囡囡工夫有幾了得。到目前為止，首站係世界知名嘅荷蘭Amsterdam紅燈區，遲吓更會到巴西里約熱內盧、泰國曼谷及德國柏林等地。
表面上就話係透過男女技術交流，好讓各位了解不同地方、種族嘅性愛習慣及喜惡，實情則被利用為「嫖妓實錄」，更製作成四仔公諸同好！但點都好，全賴有心有力嘅好色之徒，我哋至可以有更多選擇及好嘢睇！
到目前為止，已開拍過百套「嫖妓實錄」，每次都係由當地領隊，帶領一位非本土男士去揀蟀，故事亦由此開始，嫖友先會同領隊溝通，鍾意咩類型囡囡，對玩法有乜要求，例如性虐、戀物癖或性玩具等，了解喜好後就齊齊入村搵嘢食！
製作隊沿途會拍下囡囡拉客情況，由領隊充當翻譯，難得嫖友一啲都唔覺尷尬，興奮起上嚟仲會抽水添！揀好女後，嫖友會先畀錢及影相留念，見證「賣淫活動」正式展開，跟住就係囡囡為人客前奏服務，但其實一般交易比起「莞式」玩法非常小兒科，除非你有被虐傾向，鍾意玩SM，囡囡真係當你仇人咁砌，鞭到開花！而最值得欣賞嘅並非係囡囡服務，相反係佢哋拉客時嘅吹水技巧，單靠把口都挑逗到人客欲仙欲死架！
雖然製作非常寫實，但有觀眾就話其實囡囡同嫖友都係假嘅，實情係由素人脫星飾演，事關每次「入閘」，嫖友都真槍實彈上陣，而囡囡又冇所謂，若然係真嘅話，咁就應該叫做「搵命博之旅」。
撰文：祖