作為一名專業陪酒孃，要成功不但要樣靚身材正，更要投人客所好，至可令玩家盡興而歸。黃業龍頭日本近年就積極發展貼心陪酒服務，將夜遊業專業化，囡囡床技了得之外，陪客飲酒時一樣要瓣瓣掂至見得人喎！
男人去夜場玩，出火當然係最終目的，但過程興奮都不能忽視。喺日本東京，有風俗場為求令人客體驗最貼心服務，不惜將旗下囡囡重點培訓，令一向被視為花瓶嘅囡囡，喺人客間把酒談歡時投入話題之中。
據風俗場經理講解：「一直以來風俗孃只會陪坐或聆聽人客發言，直到人客慾火高升就到酒店解決，作用實在太被動，為咗令人客與囡囡尋歡過程關係更密切，我哋要求駐場囡囡要經過三個月培訓，至可以落場接客。」
待客培訓離不開性技，但呢間風俗場竟要求囡囡學習「嫖賭飲吹」四大惡習，嫖當然係交易過程時嘅服務，至於賭並非同人客賭錢，之不過人客三五知己落場玩，期間通常會玩吓啤牌，若然囡囡可以玩埋一份，人客開心之餘，場內賣酒數量增多，一舉兩得。飲正係要飲得，呢點大部分風俗孃都能做到，但假如唔夠飲或人客飲到啤啤夫時，風俗孃絕不可耍手擰頭，更要照顧對方，令對方盡快清醒至成功「入閘」為最大任務。
最後一項係吹，相信唔食煙嘅囡囡最難受，不過夜場並非鼓吹囡囡陪人客吸煙，而係向人客推銷雪茄，增加夜場收入，因此有需要學習不同國家雪茄特色及吸食方法。
撰文：祖