內地小姐為咗搵多啲錢而甘願跟客人打真軍，呢個情況屢見不鮮，一個唔覺意中招，為免影響工作，佢哋通常會自行處理。好似我大軍有一次去骨場，遇到一位相熟嘅囡囡，見佢面色唔多好，細問之下先知道原來佢啱啱落咗，但係因為要開工，所以冇時間休息。聽落真係幾慘情，話說囡囡今年二十三歲，做咗呢行只有幾個月，但係就因為有一次個客人出高價要求打真軍，之後就中咗招。
據呢個女仔所講，佢哋一班姊妹喺邪骨場工作，好多時同賣命冇分別，事關通常要做夠一段日子，如果唔係就賺唔夠錢返鄉下或者還清債務。正所謂手停口停，有時唔舒服都要頂硬上，真係別無選擇。
就呢個問題，我曾經同一個骨場經理傾過，佢都好同情呢類女仔，好老實講，同情在心，但亦好難出手相助，事關萬一出事，咁你幫得第一個，又係唔係會幫第二個呢？好多時見到佢哋咁情況，最多畀佢哋放多幾日假，其他都冇乜嘢可以幫到手。
撰文：大軍