問：小弟經常聽色途老馬話，北上玩樂千祈唔好沉船，事關囡囡會藉機要你畀錢買呢樣，買嗰樣，多多錢都唔夠貼。不過好唔好彩，小弟正係沉船一分子，但我卻從未遇過呢個問題。囡囡最多都係每個月叫我幫佢手機充電話費，有時都係請佢食吓飯咁，而佢從未叫過我幫手畀屋租或送禮物，每次住喺佢屋企，佢都會幫我洗衫同煮飯畀我食。其實沉船係咪真係人哋講得咁恐怖呢？
答：呢個問題真係好難講，因為冇人夠膽話，歡場絕對無真愛。不過，對於沉船嘅人嚟講，有冇真愛唔係最大嘅問題，而最大嘅問題就係你有冇能力，可以照顧到佢。你諗吓，如果囡囡有學歷又捱得嘅話，當初點會走去夜場度做呢？就當佢有經濟困難，真係要搵快錢。咁你哋喺埋一齊後，而佢又轉埋工，你有冇能力承擔大家嘅經濟需要先？種種問題都係值得深究，唔係話煮餐飯或充電話費就得。至於所謂恐怖，就係發覺用咗好多錢喺囡囡身上，結果發現原來佢仲有其他「助養者」，呢種心靈創傷至係最恐怖嘅事。故此，如果冇咁大個頭嘅話，就唔好戴咁大頂帽喇！
撰文：阿豪