男扮女裝登台演出，相信大家都唔會陌生，只要去過泰國嘅朋友都會睇過，有啲演出者，真係比囡囡仲要靚好幾百倍，但原來唔使去到泰國，大家只要去廣西南寧，當地亦有好多男扮女裝嘅「靚女」，除咗粉墨登場，仲會提供埋性服務添！撰文：小德
有單內地新聞，話南寧警方派員掃蕩當地賣淫黑點，喺大街上抓獲十三名流鶯，帶返警署作進一步調查，當警員審問流鶯時，竟發現當中有三名係男子漢，佢哋男扮女裝喺當地從事賣淫活動，事件經報道之後，馬上引起媒體嘅興趣。
之後媒體追訪，發現南寧市內竟有大量男扮女裝嘅性工作者，單係喺街上從事色情活動嘅就有近四、五十人，而當地嘅夜總會，更有男扮女裝嘅「靚女」為客人載歌載舞，傾情演出，而且十分受歡迎。如果客人高興，仲可以搵呢啲「靚女」嚟坐枱，消費同囡囡嘅一樣，最離譜就係如果客人有意思，仲可以買鐘帶佢哋出街。至於做乜？夜場話佢哋都唔知道，可能係去食消夜啩！
有網友質疑佢哋算唔算係「人妖」？但據當地傳媒指出，佢哋嘅身體係完全冇改造過，將來亦冇打算改造，所以佢哋唔係人妖。人妖係一心想做女人，而佢哋一心只係想賺錢，冇想過做女人。有傳媒訪問到一個男扮女裝嘅性工作者，問佢點解會咁做？佢老老實實話自己唔係女人，亦唔會做女人。只係自己嘅性取向可以接受到男人啫！問佢收入多少？佢話每次只能收三、四十蚊！
記者再問佢會唔會有客人誤會你係女人？佢話呢啲情況經常有！當發現你係男人佢哋會點？佢話：「通常都會畀人用粗口鬧，有啲火爆啲嘅就會追住我哋嚟打。」好多網友睇到報道都戥佢哋可惜，奉勸大家去南寧玩，記住要帶眼識人呀！