好多人都唔鍾意排骨妹，嫌佢哋一啲肉都冇。但今日介紹嘅靚女，竟有排骨美人之稱，呢個就係嚟自北京嘅靚女王慧，今年23歲，喺網誌上報稱自己係職業模特兒同埋歌手。王慧唱歌點樣？暫時冇機會聽得到，所以都唔知得唔得？
但佢做模特兒就真係冇問題，個子高高嘅王慧，畀人手長腳長嘅感覺，而且一啲肉都冇，名副其實係一個衣架子，亦因為咁，所以佢喺行內十分吃得開，好多大騷都搵佢演出，但最吸引人嘅，就係佢對44吋長嘅「奪命香雞腳」，真係冇得頂！
除咗佢對修長美腿吸引人之外，原來佢啲文筆都唔錯，每篇網誌都言之有物，字簡義精，不知幾多粉絲都有訂佢嘅網誌嚟睇，但最吸引人嘅，都仲係佢嘅精彩照片，就算簡簡單單嘅生活照，都令人百看不厭，唔信可以登上佢嘅網誌瀏覽一下！
撰文：小德