喺內地部分城市，夜場小姐自立門戶開設私竇嘅情況相當普遍，形式與香港嘅鳳竇差不多，但小姐質素參差，抵唔抵玩真係見仁見智。
而我大軍曾聽過一啲私竇趣事，亦有唔少人激到一肚氣。當中一位朋友話，早前根據網友提供嘅資料，去到一個私竇搵女陪玩，開門時竟見到一個肥師奶，當堂嚇咗一跳，但對方就話其他女仔正在接客，叫佢入房先。
呢位仁兄一心諗住喺度等，點知關門之後，呢個肥師奶就自動波剝衫，之後就風情萬種咁話同佢做，朋友見咁情形當然唔制，於是佢想走，之不過對方就一味死拉住佢，仲同佢講，放低幾十蚊先畀佢走，咁朋友條氣就梗係唔順，但係呢個肥師奶話如果唔畀就大叫，因為當時屋入面有閉路電視。朋友唔想惹麻煩，所以就掟低幾十蚊走人，事後佢大嘆自己入錯黑店。
其實都無他嘅，呢行係屬偏門，冇生意嘅話就梗係會想盡辦法，講真句，呢位仁兄已經算行運，事關有啲人上到私竇之後，衫都未除就畀幾個彪形大漢撳住搶，所以話，私竇咪亂玩，有需要不如去幫襯大場，起碼安全啲嘛！
撰文：大軍