大家都知道使用安全套嘅重要性，所以跟小姐曳曳嗰陣，都應該做足安全措施。據知內地好多夜店並唔會有安全套配給，喺裏面工作嘅小姐都需要自行購買，最重要係每次跟客人上房交易時，都要睇清楚自己有冇袋在身，否則畀店方知道就要受罰。
喺杭州市某間桑拿工作嘅技師小楠表示，每次開工之前，都會檢查清楚自己身上有冇套，如果唔記得帶或上房先知道用晒，若畀店方知道，就有機會受罰。
「如果開工嗰陣先發現身上冇套嘅話，就要立即通知經理，並安排工作人員拎啲套嚟畀我哋。不過，呢啲套都唔係免費，而係向店方購買，佢哋會先記帳，到月尾至喺人工度扣數。另一方面，喺店入面購買安全套，價錢比市面高出幾倍，原因係店方早就有內部規矩指明，每個技師開工冇套就要罰款。我曾經見過有啲無記性嘅姊妹，搞到自己變成店方嘅常客，到出糧時，竟發現人工少咗一半，都咪話唔慘情。」
小楠又話，雖然老闆定下呢啲規矩，對每個女仔都相當唔公平，但亦都明白到店方冇可能吓吓無條件派發。
此外，小楠曾聽過有啲女仔上房跟客人交易時，先發現手袋入面冇套，為咗唔想畀人罰錢，竟主動要求客人打真軍。「真係唔明白有啲女仔點解會咁鬼懶，明知開工都唔買套，但佢哋又唔甘心畀人罰，竟然冒險同客人打真軍，講真句，係人都知道咁做有可能染上性病，為咗慳少少錢去搵命博，真係非常愚蠢嘅行為，畀着我就寧願被罰，又或者當做少個客算數。當然，唔想吓吓白做，惟有自己醒目啲，好似我咁，早就喺自己個儲物櫃裏面放定十幾打安全套，咁就可以避免受罰喇！」如果內地啲囡囡都好似小楠咁有責任心，每次都堅持用套就好囉！
撰文：娟娟