泰瀛地帶：女話事人 搞起間場

以前好多人都話做夜場呢行好難，講真句，以前做呢行真係好難，因為錢要多，而且要人面廣，所以喺世界各地都好，做夜場生意都係男人天下，而女人做嘅話又點會有作為。但係時移勢易，今時今日世界各地做事透明度都高好多，好多時候只要你有實力，咁就無問題。好似刮王二十幾年前去曼谷嘅時候，未見過當地有女人可以做夜場老闆。結果呢？今日呢間場入面嘅女好掂，客人又夠多，全因老闆就係女人，而且佢仲係做小姐出身，雖然呢間場個老闆娘唔想出鏡，但係佢指出呢間場之所以成功，就因為佢以前做過小姐，將經驗放喺間場入面去用心經營。