最近去咗佛山試吓佢哋嘅新場，發現家陣啲邪骨場真係愈開愈豪華，記得十年前聽啲老闆講，三四十萬就可以開間簡簡單單嘅桑拿中心，到咗幾年前，開間骨場就已經要四五百萬，但到咗家陣，開間似樣啲嘅場，冇幾千萬你都唔好諗呀！
問過幾個骨場老闆，乜嘢搞到咁貴呢？佢哋話以前做桑拿中心，有幾個花灑位畀客人沖涼，已經係十分巴閉，但家陣冇冷熱水池，都唔可以叫做桑拿，單係沖涼嘅設備就要幾百萬，另外大廳布置要美輪美奐，每個位都要有獨立電視、音響、燈光。
客房先最乸脷，老闆話每間房除咗有獨立浴室外，仲要有埋乾濕蒸、平面大電視、超級大床，另外仲要預留跳鋼管舞或者做其他服務嘅位置，一間房嘅面積就要幾百呎，加埋設施，成本價五六十萬唔少得，一間場咁多間房，你都咪話唔係天文數字。
撰文：大軍