處女雯：小妹識咗個廿五歲嘅男仔，佢話自己從來未拍過拖，更係青頭仔一名。拍咗拖半個月後，我哋就上咗床。雖然我都係第一次，但從佢嘅表現嚟睇，佢一啲都唔似新手。不論前戲、後戲都做到足，體位轉換相當熟練，而且仲相當持久，究竟佢係咪青頭仔呢？
笨占：根據你嘅形容嚟睇，相信佢唔係青頭仔喎！以我個人經驗為例，回想我嘅第一次真係勁肉酸，一個體位做到尾唔在講，唔使三分鐘就已經鳴金收兵，爆發過後更係唔知應該點做。反觀你男友乜都做齊，絕對唔似係第一次。
老實人：其實對方係咪青頭仔又有乜所謂呢？最重要就係過程滿唔滿足，莫非你係因為對方係第一次而同佢上床，又或者你視對方為結婚對象？查實你拍拖半個月就已經同對方上床，早就已經豁咗出去，仲諗埋呢啲嘢做乜呢？
巨人堅：話又唔係咁講喎，你又點知嗰個男仔，係咪打住青頭仔嘅旗號，呃咗樓主隻豬呢？不過話說回來，青頭仔又唔可以單從表現嚟睇嘅，皆因樓主都係第一次，好難分辨對方係咪真係好熟練，又有可能佢係天才或者睇得AV多，訓練有素架！