今晚適逢係國家足球打吡大賽嘅日子，約翰決定約好朋友尊尼喺深夜時分，上佢屋企一邊飲酒，一邊睇波。尊尼去到約翰屋企，發覺多咗個年輕貌美嘅女仔，一問之下，約翰就答：「呢個係我妹妹雪兒，佢本身喺外國工作，呢兩日剛剛放假，所以返嚟同我住。」約翰見尊尼面有難色，又話：「我個妹係狂熱球迷嚟o架！不過，佢捧開水兵隊，今晚一定同作為海軍隊球迷嘅我哋對着幹喇！」說時遲，那時快，球賽上半場完結，兩隊波賽和一比一。約翰睡眼惺忪咁話：「我頂唔順喇！我入房瞓陣先。」中場休息嘅時候，尊尼同雪兒意見不合，開始吵架。雪兒就話：「上半場你哋好彩先至唔使輸咋！」尊尼又話：「呸！海軍嘅鎮山之寶都未出場，到時炒你哋七個一皮呀！」雪兒被激到火滾，於是話：「就同你賭一鋪，水兵輸咗你叫我做乜都得！」尊尼話：「好！你輸咗就獻身，我輸咗就裸跑！」雪兒點頭答應之後就細心睇波。