寓工作於娛樂係唔少打工仔嘅理想，事關喺現實中，極少人能夠將興趣化為工作。不過對四仔女星Topanga Fox嚟講，唔單止能夠做到呢點，而天生性慾旺盛嘅佢，仲嫌日做夜做未夠過癮，最近更喺網誌度誠徵壯男，同佢激戰一晚！
對經常覺得空虛難耐，兼滿腦子都係性幻想嘅女人嚟講，投身四仔界做女星，絕對係一件相當好嘅工作。事關經常同男優交鋒嘅佢哋，唔單止可以同唔同類型嘅男優激戰，而喺撲滅慾火嘅同時，更可以透過七情上面嘅床上演出，名成利就，仲可以賺個盆滿缽滿添！人氣四仔女星Topanga，當初就係因為呢個原因，決定投身四仔界。除咗透過前凸後趷嘅身材，得到一眾四仔迷青睞外，仲因此賺到人生第一桶金！
呢位今年只係廿四歲嘅四仔女星，透露當佢成年後，發覺對性愛充滿幻想。為咗滿足需要，於是幾乎每晚都會去酒吧溝仔，後嚟結識咗個四仔編導，從此開始四仔界事業。
雖然曾經同Topanga交手嘅男優，真係多不勝數，但係講到當中最令佢難忘嘅，卻係大隻猛男Randy Spear！呢位壯男之所以令Topanga咁鍾情，除咗因為佢肌肉發達外，床上嘅衝刺力勁強，縱然Topanga只係同佢交手過一次，但澎湃嘅力量卻讓佢留下深刻嘅印象。Topanga坦言：「如果可以嘅話，真係好想同佢再次交手！」
可惜年事已高嘅Randy，近年已經絕少出現喺四仔電影中，而為咗可以滿足同壯男交手嘅願望，最近Topanga就喺佢個微博度，誠徵有性趣嘅壯男，同佢打番場友誼波。估唔到呢個消息傳出，唔使半日就得到過百壯男回應，令Topanga喜出望外。
出生日期：1986年11月23日
身高：5呎2吋
三圍：34、24、36
撰文：阿豪