好多男士都喜歡欣賞女性嘅小腿，當問起佢喜歡乜嘢腳形，十個有八個都喜歡「香雞腳」，即係冇乜肌肉、瘦瘦削削、成支「香雞」咁樣，配埋高跟鞋就會特別性感，但原來喺相學上，搵「香雞腳」嘅女人做老婆認真唔掂，相反「蘿蔔腳」就最吃香。
據玄學家梁瑋鈞師傅透露，修長嘅小腿，喺外觀上係好靚，但好睇唔好食，往往身體好差，抵抗力弱，經常出現感冒、頭痛、失眠同埋腸胃嘅問題，原來佢哋嘅神經系統會比別人特別過敏，嚴重嘅除咗影響身體外，心理亦會受到影響，容易患上神經衰弱同埋抑鬱症，喜歡一個人工作生活，唔愛合群，做事雖然精明有魄力，但係有時過於理性，欠缺人情味，做佢哋嘅另一半亦不好過，感情時熱時冷，經常一起嘅話會難以白頭到老。
相反，如果女性嘅小腿位置豐滿有肉，似一個蘿蔔咁樣，就會一生幸福美滿。至於有幾好，梁師傅話擁有呢種小腿嘅女性，顯示生性踏實、端莊穩重、愛心爆棚、勤儉節約、持家有道、樂觀豁達，係標準賢妻良母嘅典範，喺感情方面，一旦愛上對方，就會一生一世，從一而終，就算唔畀飽飯佢食，佢都會跟你一輩子，仲要無怨無悔；難怪日本人揀老婆，一定要揀擁有蘿蔔腳嘅囡囡，原來係咁嘅原因，寧願晚晚煲碟睇AV女優，嚟填補心靈嘅空虛。
撰文：小德