以我大軍所知，喺馬交向來有女伴遊服務，皆因內地客喺賭場贏大錢後，三數萬包條女玩兩日一啲都唔奇，而呢種風氣近年更吹到內地。有經理話：「唔止澳門靚女難留，依家連我哋內地夜場都係，因為任何類型人客都有，有啲台灣佬入嚟飲晚酒，之後囡囡就消失幾日，電話又唔聽，連姊妹都搵佢唔到。以前都會擔心佢哋出事，但漸漸愈來愈多，就知佢哋畀人客包起咗。不過人客唔會長包，通常都係一個禮拜內搞掂。」有媽咪仲話：「現時已發展到，有囡囡自立門戶，提供伴遊服務，人客打個電話畀『伴遊公司』，就有專人安排，仲可以手機睇相，睇啱至落訂，到時到候機場接送，好方便架！」唔怪得依家啲囡愈嚟愈鍾意放人客飛機，情願你食完即走，唔好阻住發達，皆因高質嘅夜場囡囡，即使閒日，都有唔少內地富豪後代，去酒店開P，Call十幾條女上去玩吓，有錢收之餘，話唔定仲搵到老細架！