每個玩家都有唔同嘅玩法，有啲鍾意不斷咁轉場，貪咁樣有新鮮感，亦有玩家玩嚟玩去都係嗰幾個場，認為咁樣有主場Feel，加上同媽咪混熟咗，可以嗌佢哋送多兩支酒。其實兩種玩法都冇問題，最重要就係玩得開心啫！最討厭就係有啲人，明知個場嘅囡囡質素愈嚟愈差，就係貪嗰兩支免費酒而去，玩完後又喺度數個場有幾渣，搞到一肚氣就無謂啦！
大軍有個色途老馬老友就係一個好例子。雖然內地夜場多多，但係佢就最鍾意去個又殘而囡囡又唔索嘅場。唔少老友都話過佢，但佢仍然唔改。我就問佢為乜玩到咁灰，原來佢每次去親嗰個場，入到去時班經理同媽咪，老闆前老闆後咁叫佢，囡囡免費送多個佢陪坐，埋單酒水仲有折扣，覺得好有「菲士」喎！唉！老實講，呢種畀人奉承嘅感覺係人都鍾意，但係都要睇吓實際情況先，囡囡嘅質素係驅使玩家去玩嘅主因，點可以本末倒置呢？我就情願去個新場，搵個索爆囡囡曳曳好過！
撰文：大軍