以往脫星紋身多以紋喺腰部或腳眼位置，事關靠身材搵食，搞到花哩花綠確係趕客，不過時代唔同，家陣愈來愈多脫星鍾意挑戰禁忌，更成為「升呢」捷徑添！
歐美四仔有個重口味系列叫「Punk Porn Rock」，聽個名都知係玩搖滾重型性愛，屬此類型嘅四仔脫星都係外表標奇立異、憤世嫉俗，鍾意接受挑戰嗰隻，而佢哋最鍾意紋身穿環，範圍更足以覆蓋全身，愈多愈受敬重。其中近年代表人物可算係Joanna Angel，阿妹暫時亦係唯一一位可以跳出「Punk Porn Rock」路線嘅脫星。
至於傳統脫星方面，都有唔少紋身妹，但圖案單調及收斂，甚少學似Punk Porn妹咁激進，因為脫星都深明要賣肉搵食，紋身隨時趕走班米飯班主！直到重口味嘅脫星入侵四仔界，不少觀眾慢慢開始接受脫星紋身，例如Mason Moore咁，阿妹入行時已打算紋手臂，但遭經理人極力阻止，經過三年內心掙扎，當事人認為影迷係欣賞佢嘅性格及演技，對紋身根本無關係，於是喺前年至開始慢慢紋手，直到年初終於完成，家陣左右手或腰背都有紋身。Mason Moore話：「自細已鍾意紋身，因為我鍾意走型格路線，但四仔界一般不接受紋身脫星，或者係搖滾脫星踩過界，至有幸實現我夢想，影迷更大讚我紋身夠Cool，床上顯得更誘惑，確實要多謝佢哋！」
真係唔講得笑，現今紋身除咗係個人Icon更有助「升呢」，脫星Coco Velvett、Isis Monroe如是，早前脫星Juelz Ventura接受雜誌訪問時就承認，因了解自己外形太單調，結果走去紋身，事後人人都讚佢有性格！阿妹話：「雖然我有身材，但外形實在太普通，根本吸引唔到觀眾，其後導演叫我試試紋身，結果一紋就將右前臂紋滿，每當我用手服侍男優時，人人都記得係我！」之後阿妹更紋上癮，背脊、小腿範圍逐漸增多，話唔定會變到前輩一姐Janine Lindemulder咁激，紋身多過肉，唔知大家又點睇呢？
撰文：祖