問：我好少返去內地玩，見過年有長假期，於是跟朋友去深圳見識吓，佢帶咗我去沖涼，但見佢不停咁派利是畀人，而我本人同老友都係未婚嘅，點解佢會不停咁派利是呢？而我跟佢上去玩，畀人老細老細咁叫，我又需唔需要派利是畀佢哋呢？
答：有關派利是嘅習俗，兩地係有少少唔同，香港人一般結咗婚至會派利是，但內地人只要出嚟做事，覺得自己係大人，就可以開始派利是，雖然你老友未婚，但可能入鄉隨俗啩！正如你所講，你去到夜場，由知客到經理，個個四萬咁嘅口，老細前老細後，禮數做到足，人心肉做，你咪畀十蚊廿蚊利是仔一封，大家開心吓囉！另外你少上去玩，當然可以唔畀都得，但睇嚟呢度係你老友嘅主場，過時過節派吓利是，大家高興吓，更可以加深感情，就算有事要走鬼，侍應都會第一時間報告。所以如果有主場嘅朋友，呢啲錢真係唔可以慳呀！
撰文：小德