天氣回暖，大自然生機勃發，一片大地回春嘅景象，除咗草木外、原來男女亦進入「發情期」，喺呢個時候性慾會特別旺盛，如果不知節制，好容易出事，所以今日就教大家春天到要小心啲乜嘢事？
撰文：小德
中醫師認為春天一到，無論男女嘅機體，都會漸趨蓬勃，因天寒地凍時而忍藏嘅性慾，就會喺呢個時候爆發出嚟，如果夫妻喺呢個時候進行適當嘅性行為，絕對係最佳時機。但要切忌「房事過度」，因為好多朋友見慾念澎湃，體力充沛，於是就不停發生性行為，年輕人不會即時有事，但到了夏末秋初，就會有陽痿、早洩、不舉等嘅情況出現，所以一定要懂得節制。
年輕夫妻一個星期維持兩次性行為最好，而每次中間最好休息幾日再進行，而人到中年嘅夫妻，建議一個星期一次就啱啱好，到年老時候，兩至三周一次就最適合，如果過多或過密都會影響身體。此外，未婚男士要手淫解決需要，亦應跟住計數。
除了要節制房事外，春天亦係細菌感染嘅高峰期，女性更要特別小心，因為春天氣溫乍暖還寒，一時熱一時凍，一時乾燥一時潮濕，下陰如果欠缺打理就會孳生細菌，所以一到春天正正係女性婦科病感染嘅高峰期，中醫師建議女性要多飲開水，保持尿液濃淡度。此外，還要改穿棉質內褲，保持陰部乾爽，減少細菌嘅感染同孳生，只要把好關，就可以令其他婦科病不得其門而入。
最後中醫師還叮囑大家減少夜蒲，煙、酒、夜瞓等不良行為都會嚴重影響身體，建議大家夜蒲要適可而止，為咗身體健康，可以嘅咪蒲少啲囉！