相信大家都唔會反對，女人着上性感嘅衣物時，可以令男人完全失去自我控制能力，所以話女性性感內衣嘅魔力，真係唔可以睇小。夜場玩呢一招作為吸引客人，已經唔係新事物，最重要係點樣可以喺呢一種舊招數上加入新元素，然後挑起玩家嘅情慾。
撰文：刮王
夜場好多客人都係老手，對於佢哋嚟講，可謂見慣大場面，要令佢哋開心興奮，真係要多花心思。刮王早排去過曼谷一間夜總會，見到小姐身上嘅性感內衣都幾特別，有唔少人身上掛咗一條假香腸，咁小姐們當然就係藉着呢條腸做出多種動作，但係再細睇之下，就發現小姐們身上嘅性感內衣，搵咗好幾種顏色作配搭，黑紅色加上通花喱士，大家可能覺得無乜特別，但其實對視覺就係非常刺激。
同夜場負責人傾開，佢話今次呢批衫都係經過特別設計，目的就係要刺激客人嘅視覺，因為平時所謂性感內衣，都係見到小姐嘅身體，但係就欠缺一份刺激，而今次嘅性感內衣，係小姐身上各個重要部位嘅物料都加上特別顏色，無形中即係藉着顏色去吸引客人既視線，無論你點講都好，唔使太過理論化，總之成套衫可以挑起客人嘅情慾，咁就已經係成功。