廣東唔少工廠都出現有工冇人做嘅情況，據報道話欠工人三成咁多，夜場亦一樣嚴重缺人，好似東莞好幾間桑拿場，管理層初七就返晒工，但到今時今日都開唔到門做生意，原因就係一直搵唔夠囡囡開工，有啲場只得幾個囡囡返咗嚟。
以一間酒店場為例，平時早晚兩更各需四五十人，兩更加埋接近要一百個囡囡返工，家陣得番十零廿人，就算只做夜場，都滿足唔到客人嘅需要，有啲搵到三四十人，於是勉強開工，但客人一多就要由朝等到晚，而且質量冇保證，變相喺度趕客。
以前嘅老總就會出重金撬囡囡過檔，但今年佢哋諗到新方法，將兩三間場嘅囡囡聚埋一齊，喺嗰兩三間場輪流返工，今日去甲場開工，聽日過乙場返工，咁樣搞聯營，一人做一日生意，由於家陣啲桑拿場好多都要預訂，所以呢種合作方法，絕對冇問題，而且一來大家有工開，二來保持囡囡嘅質量同服務，三來唔使炒高囡囡嘅開支，真係唔到你唔服。如果你去嗰間冇開工嘅場，唔使驚！佢哋仲會有專車送你去聯營嘅場，真係服侍周到。
撰文：大軍
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |