我大軍就曾經同一位嚟自上海嘅骨妹傾過，佢本身喺上海某間大場出身，早年失業就嚟到廣州搵食。呢位骨妹話最怕面對中年男人，事關呢類人都認為自己好有人生經驗，經歷唔少轟烈事件，當佢面對年紀比自己細嘅女仔嗰陣，就會滔滔不絕將自己睇法同經歷講晒出嚟。

呢位骨妹又話，佢曾遇過一位中年男人，每個星期都會去搵佢，每個月就上去玩四次。呢四次入面，通常只有一次係埋牙實幹，其餘三次都係喺床上吹水居多，講吓經濟起飛嗰陣幾咁風光，又講吓曾經遇到嘅小姐有幾靚、對客人招呼有幾好等，跟住就話依家啲骨場有幾唔掂，收費有幾貴等，總之就係不斷緬懷往昔。骨妹認為，有時真係聽到標冷汗，因為實在係太悶，囡囡話如果唔係呢位係長期客，晨早就趕佢扯，等自己可以耳根清淨吓。

撰文：大軍