撰文：賢

自選四仔

一到新春佳節，好多後生仔都有長假放，而內地由於有寒假嘅關係，假期差唔多有成個月咁長，令好多專做後生仔生意嘅行業旺到不得了，網吧就係其中一種喇！留喺屋企又要對住阿爸阿媽同一班上門拜年嘅親友真係幾悶，加上新年期間𢭃咗咁多利是，梗係要搵地方消費，而去網吧打機就係最佳選擇。

其實，去到網吧唔只可以打機，仲有好多活動喎！廈門最近有網吧被人發現，去到幫襯嘅客人如果唔打機就可以坐低慢慢揀鹹片嚟睇。不同鹹片網吧有不同方法經營，一種係電腦早已經入咗唔少鹹片，客人畀鐘錢就坐低任睇，而另一種就係按套收錢。不過，最吸引人幫襯嘅經營方式，就係有囡囡陪住睇嗰種啦！

女伴陪睇

其中一類鹹片網吧，除咗於每部電腦入面藏有大量三仔四仔之外，客人一入到去就可以見到唔少衣着性感、打扮美艷嘅囡囡站在場內，仲以為去咗夜總會！揀定個靚位坐低之後，囡囡自自然然就會行去客人身邊，問佢哋要唔要幫襯陪睇服務，幫襯就即刻搵多張櫈坐低，兼拉住客人嘅手，教對方開着個播放程式，慢慢欣賞男優女優翻雲覆雨嘅精彩場面。當然，一不做二不休，既然做到有鹹片播兼有囡囡陪睇，呢類所謂黑網吧梗係唔會咁簡單啦！欣賞到半路，發覺客人已經受到適當刺激而血脈奔騰，對於性事躍躍欲試嘅時候，囡囡就會細細聲於客人耳邊話附近有時鐘套房，可以同佢上房解決慾火，睇鹹片睇到慾火焚身嘅客人通常都走唔甩喇！