撰文：小德

提供保護

有研究日本時鐘酒店嘅學者，歸納出佢哋嘅四大招數，有啲都幾得意㗎！今日就同大家分析吓。第一招就係同出張公司掛鈎，以前好多囡囡唔可以喺店裏面進行性交易，於是就會同客人外出開房，去邊間全由囡囡話事，酒店只要畀啲禮券，就會吸引到囡囡嚟幫襯，但近年因為出張公司嘅面世，囡囡應召去邊間酒店，都由公司安排，所以生意大減，要生存惟有同出張公司合作。酒店房租可能以六折或者半價嚟同出張公司合作，出張公司就向客人收十足，酒店賺少咗，但就保住固定客源，真係冇辦法當中嘅辦法。

第二招就係向一啲個體戶或者接受援交嘅囡囡，提供優惠，除咗學舊時咁送禮券之外，仲為囡囡提供特別保護。事關個體戶或者援交嘅囡囡，冇人撐腰，遇着壞人時都幾麻煩，但如果嚟佢哋酒店，就會提供特別保護，呢招真係吸引唔少個體跑鐘妹捧場。

夫妻套餐

第三招就係向拍拖情侶埋手，呢招其實主要係喺房間設計上花多啲心思，令酒店裏面每一間房都有唔同嘅特色同主題，等情侶們每次嚟都有新鮮感，令佢哋不斷嚟佢哋酒店幫襯，當然送一啲小恩小惠畀囡囡一定唔少得。

第四招就係向夫妻埋手，酒店增設全日或者半日嘅玩樂套餐，客人除咗可以使用一切設施外，仲可以享用一餐精緻嘅兩人套餐，價錢平過租星級酒店房，仲有餐食，好多夫妻都會貪着數嚟幫襯。呢四招各有特色，但都可以令酒店起死回生，值得學習。