大方哥：最近同個鳳姐打得火熱，佢仲話肯做我二奶，而且佢會自己養自己唔使用我一分一毫，只要我間唔中陪吓佢就可以，小小嘅要求，我應唔應該答應佢呢？
爛命倫：梗係制啦！正所謂：「千金易得，知己難求」人哋搵得你，證明你係佢嘅知己，有謂「士為知己者死」，家陣要你陪吓佢，咁都唔制，不如介紹畀我吖！
紅魔鬼：咪咁易上當呀！啲出嚟做嘅囡囡，手段特別多，畀佢一黐咗上身，咁就成世都Fing唔甩o架啦！家陣叫佢養埋你都認承，事後就好似吸血鬼咁要你家破人亡。
大妹姐：我好明白鳳姐嘅心情，特別係年紀有番咁上下，真係好想有個伴，要男人娶佢做老婆，相信冇乜男人肯制，所以二奶同情婦都肯做，諗起都幾悲哀呀？