我有個老友，以前好鍾意北上梳乎，而佢每次同囡囡曳曳完後，都鍾意問人攞電話。佢解釋咁做法，目的係搵多幾個飯盒，等以後上去如果揀唔到女時，都可以叫呢啲囡囡出嚟陪玩喎！久而久之，佢同其中一個囡囡熟落起嚟，後尾仲玩埋同居，幾乎每個禮拜都要上去陪女，唔知嘅仲以為佢哋結埋婚。
不過過咗一段日子，老友喺香港識咗個女仔，於是揮慧劍斬情絲，同內地囡囡分手，諗住同香港個女仔喺埋一齊，點知麻煩就嚟嘞！內地個囡囡話同佢住埋半年，唔可以話分就分，如果真係分嘅話，起碼要畀五萬銀佢。老友梗係氣頂啦！因為住埋一齊時，屋租、電費、水費等雜費都係佢出，囡囡可以話係食佢住佢，依家仲問攞掟煲費，仲唔㷫過火屎咩！但最慘就係囡囡知道佢住喺邊，索性嚟香港尋人。老友為避風頭，惟有搬屋兼換電話，而香港個女仔最近亦起疑心，感情亦岌岌可危。所以話玩還玩，但記得要有分寸，咪搞到好似佢咁就真係煩！
撰文：大軍