撰文：刮王

搵錢最重要

由於想入呢行嘅人多，有好多夜場亦睇準呢個環境，搞好多同類型嘅活動，最近刮王就去過曼谷一間夜總會，佢哋就搞咗一次模特兒之夜，參加嘅小姐唔單止要進行同司儀對答嘅環節，考考你腦筋有幾勁，係唔係有身材但係無腦。另外，當然亦有小姐自己嘅環節，畀你自由發揮，總之你想點做都得。就現場所見，小姐們又唔係話着到好性感，總之就係做出各樣出位嘅動作，或者係任由現場客人影相。

講真呢場咁嘅活動係咪真係會如大家所諗，嗰啲小姐可以加入模特兒行業，咁就真係無人知，但係大家都知道上台玩得嘅人，都係希望可以搵一個機會，因為台下嘅客人大部分都係身家豐厚，無論你係同佢做一個月朋友，或者係跟佢一世都好。就算係無人睇中都唔緊要，因為夜總會有大把職位，做唔成模特兒，大可以加入夜場，搵錢嘅機會一樣有大把。